Айгүл Ақсамбиева: «Баян Есентаевамен фильм түсіру жоспарда бар»
Отандық режиссер Айгүл Ақсамбиева «Мүсінші» («Скульптор») қысқаметражды фильмін аяқтаған соң, толық метрді бастауды жоспарлап отыр.
«Біздің топ толық метр туралы ойланып жатыр. Мен өз абыройымды ойлаймын, сондықтан алғашқы толықметражды таспамды асықпай жақсылап түсіргім келеді. жоспарда Баян Есентаевамен фильм түсіру идеясы бар. Ойымызды жинақтап, киноның негізгі идеясын анықтап алған соң, жұмысқа кірісеміз. Қазіргі таңда, түсірілім тобымыз басқа картинаның жұмыстарымен айналысып жатыр, ол жобада әйелдер туралы 10 өлең экрандалады. Туынды киноальманах аясында 10 режиссердің қатысуымен жүзеге асырылуда. Бірақ, киноны қалай атайтынымызды әлі шешкен жоқпыз»,- деді Айгүл Ақсамбиева.
Сонымен қатар, режиссер қысқа метрлі «Мүсінші» («Скульптор») фильмі туралы да айтып кетті:
«Мен Римма Филиппованың «Утро вечера мудренее» әңгімесін оқып шықтым. Сол кісінің рұқсатымен әңгіме мазмұнын фильмге арқау еттім. Мен шығармашылыққа қатысты алға ұмтылдыратын, таза әрі игілікке жетелейтін туынды түсіргім келді. Қысқа синопсис дайын болған кезде, менде күмән пайда болды. Бірақ, жазғанымды құрбыма оқып беріп, оның қимыл-әрекетінен оқиғаның жүрекке жете білгендігін сездім».
Әңгіменің басты кейіпкерлері – мүсінші және кезінде керемет әнші болған әйелі. Әйел адам отбасылық күйбең тірліктен шаршап жүреді. Күйзеліске түсе отырып, абайсызда опасыздыққа жол беріп қояды.
Рөлдерде Азиз Бейшеналиев пен әнші Динара Қайырова ойнайды.
Александра Терпиловская
пікірлер жоқ, бірінші болыңыз
Пікір қалдыру үшін