Ақан Сатаев «Халықтың сүйіктісі» атанды
Ақан Сатаев «Халықтың сүйіктісі – 2017» ұлттық жүлдесінің лауреаты атанды. Режиссер әрі продюсер «Үздік кино қайраткері» номинациясында жеңіске жетті. Жүлде кинематографшыға Астанада 3 ақпан күні өтетін салтанатты шарада тапсырылады.
«Халықтың сүйіктісі» - 2011 жылдан бері мемлекетіміздегі азаматтар мен мекемелерге танымалдылығы мен біліктілігі үшін берілетін ұлттық жүлде. Жүлде лауреаттары онлайн дауыс беру арқылы анықталады.
Сондай-ақ, «Үздік кино қайраткері» номинациясына үміткерлер арасында актриса әрі продюсер Әсел Сәдуақасова, актер Жан Байжанбаев және актриса Қарлығаш Мұхамеджанова бар.
Айта кету керек, аталмыш жүлде Ақан Сатаевқа алғаш рет беріліп отырған жоқ. 2014 жылы режиссер «Бедел және кино» номинациясын жеңіп алған болатын.
Алдыңғы жолдары бұл жүлдені Ермек Тұрсынов, Нұртас Адамбай, Әділ Ахметов және Баян Алагөзова иеленген.
1 пікір
Пікір қалдыру үшін
Даник
26 января 2018, 18:01Заслужил! Поздравляем!!!