Ақбота-Нұр Сейтмағамбет Дәурен Айдарқұловқа ұл туып берді

• 2 Маусым, 2017
• Мадина
• 2 654
• 0

«Гламур для дур» фильмінің актрисасы және «КешYou» тобының экс-солисті Ақбота-Нұр Сейтмағамбет ана атанды. Бойжеткен актер Дәурен Айдарқұловқа ұл туып берді.

Әке атанған актер қуанышты жаңалықты өзінің Instagram парақшасында жариялаған:

«Аллаға шүкір! Ақбота-Нұр маған ұл туып берді. Әлхамдулиллях... P.S. Отбасымызды қолдаған барша жандарға рахмет!»

Естеріңізге сала кетсек, екі ғашық «Гламур для дур» комедиясының түсірілім алаңында танысқан. Қос актер картинада бір-біріне ғашық жандардың рөлін сомдаған еді. Нәтижесінде, экрандағы ғашықтық шынайы өмірдегі махаббатқа ұласты.

Әншінің «КешYou» тобының құрамынан кеткені туралы және тұрмысқа шығуы жайында ең алғаш Баян Есентаева айтқан болатын. Содан кейін көп қазақстандықтар Ақботаның жігітінің кім екендігін ойлаумен болды. Бойжеткенді сол күннен-ақ отбасылы актер Дәурен Айдарқұловқа («Питерден келген оралман») теңеп жүрген-ді. Алайда, актриса әріптесі екеуінің арасында ешқандай да сезім жоқ деп қысқа қайырған.

Дегенмен, биылғы жылдың наурыз айында жұп бірге түскен суреттерін Желіге жүктеген кезде, қауесет расталды. Дәурен Айдарқұлов суретке қатысты жазған жағымсыз пікірлерге «Бәрі де Аллаһтың қалауымен!» деп жазды.

• 2 Маусым, 2017
• Мадина
• 2 654
• 0