Қазақстандық актер «Трансформерлер: Соңғы жауынгерге» жасалған америкалық пародияға түсті
«Look Crate» америкалық компаниясы «Трансформерлер: Соңғы жауынгер» («Транформеры: Последний рыцарь») фильмінің жарыққа шығуының алдында «Car Botz!» атты пародияға құрылған трейлерін түсірді. Бейнероликтің режиссері - Джулиан Хиггинс («Доктор Хаус»), ал басты рөлді Қазақстаннан шыққан актер Анатолий Огай сомдады.
Авторлардың ойынша, оқиға мен бейнекөріністер Шығыс Еуропада өтеді. Сол себепті, фильмнің барлық кейіпкерлері біртүрлі акцентпен сөйлейді, ал автоботтар картоннан жасалған. Пародиялық трейлердің өзі арнайы арзан эффектермен толықтырылған. Анатолийдің кейіпкері Сэм көлік-роботты бірінші болып тауып алады. «Car Botz!» туындысын жарыққа шығару үшін 30 маман жұмылдырылған.
«Car Botz!» фильмінен көрініс
Анатолий Огай 2012 жылдан бері Лос-Анджелесте тұрып, жұмыс істеп келеді. Сол жақта Калифорния өнер институтын бітірген. Актер бірнеше рет қысқаметражды және толықметражды картиналарда түскен. Сонымен қатар, ол театр саханаларына да белсенді түрде шығып жүр. Биылғы жылдың сәуір айында Анатолий Санта-Моникадағы Хайвейс театрында көрсетілген американдық драматург Рик Митчеллдің «Анархия/Чьяпас» пьесасында басты рөлді сомдаған. Актер бүгінде өзінің «Өзеннің екінші жағында» («По другую сторону реки») монодрамасымен жұмыс істеп жатыр. Аталмыш картинада актердің Екінші дүниежүзілік соғысқа қатысқан атасы туралы баяндалады.
пікірлер жоқ, бірінші болыңыз
Пікір қалдыру үшін