«Ең сұлу қыз» фильмінің актерлары Алматы қалалық клиникалық жұқпалы аурулар ауруханасының балаларын құттықтап қайтты

• 2 Маусым, 2017
• Мадина
• 1 445
• 0

«Ең сұлу қыз» атты отандық фильмінің түсірілім тобы Балаларды қорғау күніне орай Алматы қалалық клиникалық жұқпалы аурулар ауруханасында жатқан балаларды мерекемен құттықтап қайтты. Актерлар Берік Айтжанов, Мұрат Бисенбин және Қуаныш Долдаев балалармен кездесіп, сыйлықтарын ұсынды.

Аурухана әкімшілігі балалардың танымал тұлғалардың қолынан сыйлық алғандары үшін қатты қуанғанын айтып, «Ең сұлу қыз» картинасының түсірілім тобына ерекше алғысын білдірді.

Естеріңізге сала кетсек, қазіргі таңда Алматыда Қанағат Мұстафиннің «Ең сұлу қыз» фильмінің түсірілімі жүріп жатыр. Картина «16 қыз» комедиялық таспасының жалғасы болып табылады. Сюжет бойынша Самат пен достары аяқ астынан құны 20 миллион доллар тұратын антиквар құмыра ұрлығына қатысты болып шығады. Режиссердің айтуынша, картина мейірімді қылмыстық роуд-муви бағытында түсірілуде.

Түсірілімге бұрынғы актерлік құраммен қатар, Мұрат Бисенбин, Әсел Асқар, Kental лақап атымен танымал Талғат Кенжеболатов, Асан Мәжит және т.б. атсалысуда.

• 2 Маусым, 2017
• Мадина
• 1 445
• 0