«Аквамен»: фильмнің жұмысы ресми түрде аяқталды

5 Қараша, 2018
BrodKaz
1 016
0

Бүкіл әлем бойынша кинотеатрлардағы ресми тұсаукесерге бір ай қалғанда «Аквамен» комиксінің жұмысы ресми түрде аяқталды. Режиссер Джеймс Ван («Қарғыс 2», «Форсаж 7») бұл жаңалықты Instagram арқылы хабарлады. Ол жұмыстың аяқталғанын DC-тің суперқаһармандық жаңа жобасының пост-продакшны арқылы растады.

Көңілі құлазып қалған Джеймс Ван былай деп жазды: «Менің бүкіл уақытымды алған екі жылдық жұмыстан соң, аталмыш инди-фильм ақыры өндіріліп бітті-ау. Бұл мені түгелдей жұтқан нағыз құбыжық болды. Жобамен тәулік бойы айналысқан тамаша топқа қалай алғыс айтарымды да білмеймін, олар өте ұзақ, аптасына 7 күн, үзіліссіз және демалыссыз жұмыс істеді. Олар осындай бірегей әрі әдемі фильм жасады. Олар осы жобаға бар жандары мен жүректерін салды. Мен тұсаукесерді асыға күтемін! Ал оған дейін жақсылап ұйықтап алғым келеді».

«Аквамен» комиксі 2018 жылдың 13 желтоқсанынан бастап айналымға шығады. Афишамызды қарап жүріңіздер.