Анджелина Джоли «Малефисента» сиквелі туралы айтып берді
Анджелина Джоли режиссер ретінде «Олар алдымен менің әкемді өлтірді» атты жаңа жұмысын Теллурайдтағы фестивальде таныстырды.
Журналистер актрисадан Disney-дің атышулы «Малефисента» жобасының сиквелі туралы сұрады. Актриса жұмыстың қызу жүріп жатқанын мәлімдеді. Қазіргі таңда барлығы сценарий жазумен айналысып жатыр. Оның үстіне, Джоли сиквелдің өте мықты болатынын айта кетті.
Отбасылық мәселелерге қарамастан, Анджелина Джоли кино қайраткері ретінде соңғы уақытта режиссураға көп көңіл бөліп жүр.
Соңғы жеті жылдың ішінде ол «Солт», «Турист», «Малефисента» және «Көкшіл жағалау» сынды 4 фильмге ғана түскен. Сонымен қатар, «Кунг-фу панда» франшизасының дыбыстауына қатысқан болатын.
«Малефисента» картинасы 2014 жылы жарыққа шыққан, ол студияға 758,5 миллион доллар табыс әкелді.
Фильм сюжеті Анджелина Джолидің сомдауындағы зұлым Малефисентаның көзқарасымен Ұйқыдағы арудың классикалық хикаясын баяндайды.
пікірлер жоқ, бірінші болыңыз
Пікір қалдыру үшін