Әсел Сәдуақасова жаңа кино дайындауда

24 Қараша, 2017
Мадина
1 951
0

Продюсер әрі актриса Әсел Сәдуақасова отандастарымызды жаңа киномен қуантуға асық. Жақында ол «Класстастар» фильмінің түсіріліміне кіріспек. Бұл туралы продюсер Инстаграм парақшасы арқылы хабарлады.

«2018 жылдың қаңтар айында «Класстастар» уақытша атауы бар жаңа киножоба жасамақпын. Бұл бір мектепті бітірген түлектер туралы көңілді комедия болмақ, олар 15 жылдан кейін бір-бірімен кездесіп, қызықты естеліктерімен, қазіргі өмірлерімен бөліседі» (Орфография мен пунктуация өзгертілді – ред.),- деп хабарлады Сәдуақасова.

Продюсер актерлік құрам мен түсірілім тобының көрермендерді таң қалдыратынын да атап кетті. Алайда, олардың есімдерін жақында хабарлайтынын айтып, есімдерін жарияламады.

Айта кету керек, 2017 жыл Әсел Сәдуақасова үшін өнімді жыл болды. Продюсер режиссер Асқар Ұзабаевпен бірге «Келін де адам баласы» және «Ninety One» фильмдерін жарыққа шығарды. Желтоқсанда екеуінің ортақ жұмысы – «Қазаққа ғашық болмаудың 5 себебі» комедиясының тұсауы кесілмек.

Превью: Әсел Сәдуақасованың жеке Instagram парақшасынан алынды