Баян Алагөзова әйелдерге көрсетілген қысым жайлы фильмдер түсірмек
Баян Алагөзова қор болған әйелдер жайлы әлеуметтік фильмдер түсіруді жоспарлауда. Продюсер әйелдердің құқығын қорғау қорын ашудан бас тартпағанын, әзірге қаржылай қолдау іздестіріп жатқанын мәлімдеді. Бұл туралы ол Tengrinews TV-дің «The Эфир» бағдарламасында айтып берді.
Баян Алагөзованың сөзінше, қордың жұмыс істеуі үшін жылына бір миллиард теңге жұмсалуы тиіс екен.
«Мен бұл идеядан бас тартқан жоқпын. Маған тек әйелдерді құтқару үшін жылына бір миллиард теңге қажет. Қоғамның назарын аударту мақсатында компаниямыз (Shine production. – ред.) шынайы оқиғалар негізінде 10 фильм түсіріп, YouTube-қа жариялайтын болады. Бізде телеарналардан «Оңбаған!», «Сен ақымақсың!» деген секілді диалогтары бар көріністерді көрсету әдетке айналған. Бірақ, шынайы өмірде олай емес. Шындығында ерлер әйелін шашынан сүйреп, қабырғаға ұрып, боқтық сөздер айтады. Әйелі еденге құлап қалса, оны ішінен тебетіндер де бар. Қанын ағызып тұрып, әрі қарай ұра беретіндерін қайтерсің?», - деді Баян.
Фильмдер түсірілімінің қашан басталатынын, қандай кейіпкерлердің ойнайтынын продюсер нақты айтқан жоқ.
Еске сала кетсек, Баян Мақсатқызы әйелдердің құқығын қорғау ұйымын ашу туралы 2017 жылы күзде хабарлаған болатын.
Превью: Баян Алагөзованың Instagram-дағы жеке парақшасынан
1 пікір
Пікір қалдыру үшін
Miras
17 наурыз 2018, 17:16Это ,что она про себя снимать собралась. Дайте 1 миллиард в год мне и я буду реально помогать.