«Баян. Өзім жайлы ғана емес» ғұмырнамасы 2017 жылы ең көп сатылған кітап болды
«Меломан» компаниясы отандық авторлардың осы жылы ең көп сатылған 18 кітабын жариялады. Рейтингте продюсер әрі актриса Баян Алагөзованың «Баян. Өзім жайлы ғана емес» ғұмырнамасы көш бастап тұр. Екінші орынды кинорежиссер, сценарист Ермек Тұрсыновтың «Өмірдің ұсақ-түйектері» кітабы иеленді. Ал үшінші орынға Абай Құнанбаевтың «Қара сөздері» жайғасты.
«Баян. Өзім жайлы ғана емес» кітабы – Баян Алагөзованың биылғы шілдеде алғаш таныстырған естеліктер жинағы. Продюсер ғұмырнамасында балалық шағы, туыстарымен қарым-қатынасы және мансабы туралы баяндады. Тіпті, автор жеке өміріндегі кей сәттермен бөліскен.
Баянның өмірбаяндық кітап жазуына бұрынғы күйеуі Бақытбек Есентаевпен болған кикілжің түрткі болған.
«Баян. Өзім жайлы ғана емес» екі айға жуық дайындалды. Автордың айтуынша, кітап Таиландта 10 күннің ішінде жазылған. Дегенмен, редакторлық жұмысқа және түрлі бейнелермен көркемдеуге біраз уақыт жұмсалған.
Превью: Paparazzi.kz
пікірлер жоқ, бірінші болыңыз
Пікір қалдыру үшін