Баян Есентаеваның «Баян. Өзім жайлы ғана емес» кітабының тұсауы Ақтөбеде кесіледі
8 қыркүйек күні Ақтөбе тұрғындарына Баян Есентаеваның «Баян. Өзім жайлы ғана емес» атты алғашқы кітабының тұсаукесері болады. Танымал продюсер әрі актриса кітабын жеке таныстырып, қолтаңба береді. Кездесу KeruenCity сауда орталығында сағат 19:00-де болады.
«Баян. Өзім жайлы ғана емес» кітабы - Баян Мақсатқызының бастан кешкен оқиғалары. Продюсер естеліктер кітабында өзі, отбасы және жеке өмірі туралы бар шындықты айтуға тырысты.
«Қанша жаста болсаң да, 2-3 сағаттың ішінде өмірің күрт өзгеруі мүмкін. Алтыншы мамырда үш сағаттың ішінде мен ессіз ғашық болдым. Өмірімде бірінші рет эмоциямды, жүрегімді басқара алмадым, басым жұмыс істемеді. Бұрын әр қадамымды алдын-ала ойластырып, «жеті рет өлшеп, бір рет кесетін» едім. Соңы немен аяқталатынын ойлайтынмын. Болар іс болды, дегенмен әрбір адам өз ісі үшін жауап берері анық, мен «адамды соған итермеледі» деген пікірмен келіспеймін»,-деп жазған Баян өз кітабында.
Еске сала кетсек, Есентаеваның естеліктер кітабы биылғы жылдың мамыр айында жазылған болатын. «Баян. Өзім жайлы ғана емес» кітабы сатылымға 5 шілдеде шықты.
Ғұмырнаманың тұсаукесері Баян Есентаеваның қатысуымен Алматы, Астана, Шымкент, Орал және Бішкек қалаларында болды.
Превью: sxodim.com
пікірлер жоқ, бірінші болыңыз
Пікір қалдыру үшін