Баян Есентаеваның «Баян. Өзім жайлы ғана емес» кітабына алғашқылардың бірі болып тапсырыс беруге болады
Шілде айында Қазақстанның дүкен сөрелерінен Баян Есентаеваның «Баян. Өзім жайлы ғана емес» өмірбаяндық кітабын сатып алуға болады. Ғұмырнама сатылымға шықпай жатып, кітапқа «Меломан» дүкендер желісінен алдын-ала тапсырыс бере аласыздар. Ерекше басылымның мұқабасы жұмсақ, әрі қазақ және орыс тілдерінде жазылған.
Продюсер, актриса әрі тележүргізуші кітап арқылы өміріндегі қиындықтар туралы, тағдырының тармағындағы адамдар жайында баяндап береді. Баян Мақсатқызы кітап жазу идеясын осы жылдың қаңтар айында айтқан болатын. Оны жазуға бұрынғы күйеуі Бақытбек Есентаевпен арадағы болған оқиға салдарынан туындаған түрлі өсек-аяңдар түрткі болған.
Сурет Баян Есентаеваның жеке Instagram парақшасынан алынды
Кітап мазмұнында қоғамдағы әйелдер рөліне баға беріледі:
«Менің басымнан өткен оқиға қоғамымыздағы әйелдер рөлінің қандай екенін айқындап бергендей. Әйелдің нәзіктігі, қорғансыздығы және құқықсыздығы сөз болады. Өйткені, заңның өзі әлеуметтік зорлықтан зардап шеккен адамның жағына қарай шықса да, қоғам жәбірленушіні төпелей жөнеледі. Астын сызып айтатын нәрсе - «Олай жасамау керек еді...» деп, өршіту, қарсы келу, астың тұзын тым көп салу, өзіндік пікірге ие болу мен аузын ашу құқығынан ада болу сынды қасиеттерді болдырмау керек деген секілді сөздер құртады. Құдды бір әйелдерге қатысты зорлық актісін ақтап алуға болатындай...»
Жинақтың атауы мен мұқабаның соңғы нұсқасы осы жылдың мамыр айында таныстырылған болатын. Кітап суреттерінің авторы - Динара Өтелбаева. Продюсер «Баян. Өзім жайлы ғана емес» ғұмырнамасының шығарылымын «Курсив» баспасына сеніп тапсырды.
Превью: Vlast.kz
пікірлер жоқ, бірінші болыңыз
Пікір қалдыру үшін