Баян Есентаева «Қозы Көрпеш пен Баян Сұлу» қазақ поэмасын экрандамақ
Продюсер Баян Есентаева алдағы уақытта жарыққа шығатын хикаясы туралы біраз айтып берді. Белгілі болғандай, оның «Esentai production» продюсерлік орталығы XIII-XIV ғасырлардағы «Қозы Көрпеш пен Баян Сұлу» қазақ ұлттық поэмасын экрандайтын болды. Картина «Қазақстан» телеарнасының тапсырысы бойынша түсіріледі.
«Қозы Көрпеш пен Баян Сұлу» поэмасы Қозы мен Баянның қасіретті махаббатын баяндайды. Бұрынғы достар Сарыбай мен Қарабай ұлы мен қызы – Қозы мен Баянды атастырып қояды. Күндердің бір күнінде Сарыбай аңшылық кезінде қайтыс болады. Жылдар өте келе Қарабай өз уәдесін ұмытып кетеді де, қызын балуан Қодарға тұрмысқа бермекші болады. Неке келісімі туралы мүлдем білмейтін Қозы Көрпеш пен Баян Сұлу бір күні кездесіп қалып, бір-біріне ғашық болады. Махаббат үшін күресте алдымен жігіт құрбан болады. Қайғыдан құса болған бойжеткен сүйіктісі үшін кек алу мақсатымен жауыз Қодарды өлтіреді де, артынан өзіне қол жұмсайды.
«Қозы Көрпеш пен Баян Сұлу» фильмінің бейнесынамасы
Көне аңыздың ең алғашқы жазбасы XIX ғасырда табылған болатын. Бұл хикаяның 20-ға жуық нұсқасы бар. Поэма бойынша бірінші пьесаны Ғабит Мүсірепов жазды. Оның экрандауы 1954 жылы «Махаббат дастаны» деген атпен жарыққа шықты. 1992 жылы экранға Асанәлі Әшімов түсірген «Қозы Көрпеш пен Баян Сұлу» картинасы шықты.
Жаңа картинаның сценарий авторлары, басты рөлдегі актерлар, түсірілім тобының мүшелері әзірге белгісіз. Дегенмен, авторлар алдағы түсірілімге қажетті локацияларды бекітіп қойған. Осыған орай, түсірілім жұмыстары жуық арада басталатын сияқты.
Баян Мақсатқызы алдыңғы жолдары компаниясының мұндай жобамен бірінші рет жұмыс істеп отырғандығын айтқан болатын.
пікірлер жоқ, бірінші болыңыз
Пікір қалдыру үшін