Баян Есентаева: «Мен негізі ашушаң адам емеспін»

28 Қыркүйек, 2017
Мадина
1 453
0

Баян Есентаеваның жеке өмірі қазір ешкімге құпия емес. Көпшілігі онымен бірге қайғырып, түсіністік танытуда, енді бірі оған ашулы. Мұны продюсердің жеке Instagram парақшасында отандастарымыздың тоқтамастан жазған пікірлеріне қарап байқауға болады. Есентаева Желідегі жағымсыз пікірлерге қалай қарайтынын «Баян. Өзім жайлы ғана емес» кітабының Астанада өткен тұсаукесерінде айтып берді.

«Негізі, мен ашушаң адам емеспін. Маған қатысты осындай таптаурынды көзқарастың неліктен қалыптасқанын білмеймін, біреуге дауыс көтеріп немесе біреуді ренжітіп, ауыр сөздер айтқаным есімде жоқ. Егер сондай адамды білсеңіздер, өтінемін, атын атаңыздаршы. Мен әрдайым өзімді тәртіпті, сабырлы ұстаймын. Өзім туралы жағымсыз пікірлердің болғанына жол бермеймін, әсіресе әлеуметтік желілердегі пікір жазушылардың арасында»,-деп бөлісті Баян.

_{Фото: Анар Бектасова}

Еске сала кетсек, «Баян. Өзім жайлы ғана емес» естеліктер кітабында продюсер жеке өмірі жайында ашық айтып берген болатын. Белгілі болғандай, Баян Мақсатқызы ұзақ жылдар бойы бұрынғы күйеуі Бақытбек Есентаевпен ажыраса алмай жүрген. Былтырғы жылдың көктемінде, тұрмыстағы әйел кезінде кәсіпкер Тұрсен Алагөзовпен танысқан. Екеуінде махаббат оты тұтанады. Сол жылдың маусым айында трагедия орын алады: Есентаев продюсердің өміріне қастандық жасады, нәтижесінде Баян ауруханадан бірақ шығады. Соттың шешімі бойынша кінәлі Бақытбек 9 жылға түрмеге қамалды.

Сонымен қатар, Баян Есентаева қолжазбасының әлі де ұзақ сатып алынып, оқылатынын айтты. Дегенмен, ендігі жолы өзі туралы жазбайтынына және шыққан кітапты толықтырмайтынына уәде берді.

Превью: ratel.kz