Баян Мақсатқызы (Есентаева) мюзикл түсірмек
Баян Мақсатқызы (Есентаева) отандық көрермендерді таң қалдыруға кірісті. Продюсер музыкалық фильмнің түсіріліміне дайындықты бастап кетті, туындының атауы әзірге құпия. Мюзиклдың өндірісімен Shine production продюсерлік орталығы айналысады, ал музыкалық жағын Бағым Мұхитденова өз қолына алмақ.
Алдағы уақытта түсірілетін мюзикл продюсердің төртінші толықметражды әрі екінші музыкалық жобасы болады. 2010 жылы отандық эстрада жұлдыздарының қатысуымен «Жұлдызға арналған коктейль» комедиясы ұсынылған болатын. 2011 жылы Баян Мақсатқызы жалғасын түсірді, ал 2014 жылы «Абайлаңыз, сиыр!» комедиялық оқиғасын түсірді.
Еске сала кетсек, Баян Мақсатқызының (Есентаева) фильмографиясында «Махаббатым жүрегімде», «Тракторшының махаббаты», «Өгей жүрек» және «Қазақ аруы» хикаялары бар.
Жаңа картинаның режиссері кім болатынын және түсірілімге қандай актерлардың қатысатынын жақын арада білетін боламыз.
Айта кету керек, продюсер «Бродвей» кинопорталына берген сұхбатында алдағы жобаның максималды бюджеті 150 мың доллардан аспайтынын айтқан еді.
Превью: ppz.kz
пікірлер жоқ, бірінші болыңыз
Пікір қалдыру үшін