Бен Аффлек әскери жобаны қолға алмақ
Бен Аффлек режиссер ретінде «Қызыл жасақ» атты жаңа жобаны қолға алуды жоспарлап жүр. Фильм сарбаз Клинтон Ромешейдің «Red Platoon» естеліктерінің негізінде түсіріледі. Сарбаз 2009 жылы 3 қазанда Камдеш үшін соғысқан еді.
Дәл осы күні 300 адамнан құралған тәлібтер ауған-пәкістан шекарасына жақын жерде халықаралық коалиция күштеріне шабуыл жасаған болатын.
12 сағаттық әскери әрекеттердің нәтижесінде шабуыл тоқтатылды. Коалиция тарапынан 8 адам өлтіріліп, 22 адам жараланды.
Клинтон Ромешей АҚШ-тың ең жоғары марапаты – Құрмет медалімен марапатталды.
Фильмдегі басты рөлді Кейси Аффлек сомдауы мүмкін.
Соңғы рет 10 жыл бұрын Бен және Кейси Аффлек режиссер мен актер ретінде «Қош бол, балақай, қош бол» фильмімен жұмыс істеген болатын.
Қазір Бен Аффлек «Қызыл жасақ» фильмімен режиссер ретінде жұмыс істеу үшін келіссөздер жүргізіп жатыр.
пікірлер жоқ, бірінші болыңыз
Пікір қалдыру үшін