«Дөрекі»: Брэйди Корбет Стокгольмдегі фестивальде жаңа жоба туралы айтты
Режиссер әрі сценарист Брэйди Корбет («Көшбасшының балалық шағы») Стокгольмдегі фестивальде «Дөрекі» атты жаңа жоба туралы айтып берді. 30 жасар автордың басты рөлдерді Натали Портман мен Джуд Лоу сомдаған, Венеция фестивалінде тұсауы кесілген «Люкс дауыс» жобасы бірнеше жүлденің иегері атанды.
Біраз сырды ашпайтын «Дөрекінің» алғашқы сюжеті қыркүйекте таныстырылды. Таспа Екінші дүниежүзілік соғыстан кейін өзі туып-өскен Венгриядан АҚШ-қа эмиграцияланатын еврей архитектор жайлы баяндайды. Бұл кейіпкердің 30 жылдан аса өмір жолы көрсетіледі деп жоспарлануда.
Стокгольмде әйелі, норвегиялық актриса әрі режиссер Мона Фастволд Лерчемен бірге болған Корбет «Дөрекінің» заманауи оқиғалармен өрбіген ерекше уақыт жайлы әңгімелейтінін хабарлады: «Бұл таспа нацистік концлагерьді көрген және сол қайғылы жағдайды басынан өткерген әйелі туралы болмақ, олар соғыстан кейін венгерлік шекараны заңсыз өтуге тырысқандардың тағы бір лагеріне тап болады. Бұл таспа барлығын жоғалтса да, жанын аман алып қалуға тырысқандар жайлы баяндайды».
«Люкс дауыс» музыкалық драмасы 2019 жылдың 7 наурызынан бастап көрсетіледі. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін