Chaplin Cinemas «Сүйікті кино» жобасын бастады
Chaplin Cinemas кинотеатрлар желісі «Сүйікті кино» атты тамаша жобасын бастады. Жоба аясында әлемдік кинематографтың шедевр туындылары көрсетіледі. Алғаш рет үлкен экранға әлеуметтік-экономикалық және саяси жағдайларға байланысты отандық көрермендердің назарынан тыс қалған фильмдер таныстырылмақ. Картиналар сапалы бейнелер мен дыбыстар арқылы ұсынылады.
Көрермендерге ең алдымен Джеймс Кэмерон түсірген «Терминатор» фантастикалық фильмнің өңделген нұсқасы көрсетіледі. Сюжетте сарбаз Кайл Риз және киборг-терминатор Т-800. Қос кейіпкер алыс болашақтан 1984 жылға оралып, Сара Коннорды іздеуге кіріседі. Басты рөлдерді Арнольд Шварценеггер мен Майкл Бин сомдады. Айта кету керек, әйгілі «I`ll be back» киноцитатасының авторы Шварценеггердің өзі болған. Сценарийде «I`ll come back» деп жазылған, алайда актер мәтіннен жаңылысып қалған.
Алғашқы көрсетілімнің арнайы шақырылған қонағы шетелдік 5000 картинаны, оның ішінде «Терминаторды» дыбыстаған ресей аудармашысы Леонид Володарский болды. Көрсетілімнен соң шығармашылық кездесу болады, сол кезде көрермендер қызықтырған сұрақтарына жауап ала алады.
Фильм 19 тамыз күні Chaplin Mega Park-та көрсетіледі. Басталуы сағат 19:00-де.
Билеттерді кинотеатрлар афишасынан ала аласыздар.
пікірлер жоқ, бірінші болыңыз
Пікір қалдыру үшін