«Дон Кихотті өлтірген адам»: Терри Гиллиам сот ісінде жеңіліп қалды және енді фильм құқығының иесі емес
Режиссер Терри Гиллиам («Зеро теоремасы», «Дәрігер Парнастың қиялы») сот ісінде жеңіліс тапты, енді ол «Дон Кихотты өлтірген адам» фильмі құқығының иесі емес. Жобаның ұзақ жылдық жұмысы нағыз донкихоттыққа айналды. Гиллиамның осы таспасы өткен айда Каннда көрсетіліп, сыншылардың қарсы пікіріне ие болса да, оның тағдыры бұрынғыдай үлкен сауал болып қалуда.
Париждегі сот Гиллиамға жоба құқығына қатысты арыз берген бұрынғы продюсер Паулу Бранкудың пайдасына шешілді. Сондай-ақ, режиссерге Бранкке 10 000 еуро өтемақы беруі тиіс Alfama Films компаниясына ақы төлеуді бұйырды. Бұрын Гиллиам істі қарастыруда табысқа жетіп, «Дон Кихотты өлтірген адам» фильмін Канн фестивалінде көрсеткен еді. Бірақ, жеңіс ұзаққа созылмады, фильмнің барлық құқығы қазір Alfama Films-ке тиесілі.
Паулу Бранку сот ісінен кейін мынадай мәлімдеме жасады: «Осы фильмнің заңсыз айнылымымен және заңсыз өндірісімен айналысқандардың барлығынан ақшалай өтемақы талап етеміз. Біз барлығын, сонымен қатар таспаны Франциядағы Канн кинофестивалінде көрсеткендерді де жауапты деп есептейміз. Фильм заңсыз түсірілген. Арнайы заңды құқығы болмаса да, түсірілімге көп адам қатысқан жағдай бірінші рет болып отыр. Бұл ерекше жағдай».
.jpg)
пікірлер жоқ, бірінші болыңыз
Пікір қалдыру үшін