31 желтоқсан күні теледидардан не көруге болады?
Қазақстандық телекөрермендер жаңа жыл түнінде қызықты комедияларды, көңілді музыкалық шоулар мен әсерлі махаббат хикаяларын тамашалай алады. Белгілі бір дәстүрлі форматқа қарамастан, тосын сыйлар да болады. «Бродвей» 31 желтоқсан күні мерекелік дастарханда отырып тамашалайтын ең қызықты кинокартиналар топтамасын ұсынады.
Жас көрермендер «Хабар» телеарнасынан сағат 11:45-те өмірін байлық жинауға арнаған сараң қарт Эбенезер Скрудж туралы «Рождестволық шырша» мультфильмін көре алады. Ол ақшадан басқасының барлығын, достықты да, махаббатты да, рождестволық мерекелерді де мойындамайды. Бірақ, осы Рождество оны мәңгіге өзгертеді.
Сағат 13:35-те ересектер «Сыйлық» атты жаңажылдық мюзиклді тамашалайды. Хикая Жаңа жыл қарсаңында қалалық бір дәмханада болады. Мюзикл кейіпкерлері – дәмхананың өзімшіл иесі, мақтаншақ әкімші, барлығын білгішсінетін бармен, әзілкеш даяшы және жүрегі жараланған клиент.
Qazaqstan телеарнасының эфирінен «16 қыз» романтикалық хикаясы көрсетіледі. Фильм кейіпкері – Бауыржан, ол үйлену туралы ойлануы тиіс. Алайда, лайықты өмірлік жарды табу оңайға соқпайды. Оған көмекке бұрын атастырылған қызы келеді, бірақ қыз қазір басқамен некелесіп қойған еді. Көрсетілім уақыты: сағат 16:05.
Сағат 22:30-да «Сыңғырлаған сиқырлар» жаңажылдық музыкалық шоу көрсетілмек. Бағдарламаға эстрада және кино жұлдыздары қатысқан.
«НТК» шетел фильмдерін ұсынады. Сағат 12:00-де «Гарри Потер және Феникс ордені» көрсетіледі. Жас сиқыршы қайтадан зұлымдыққа тап болады. Үш кубок турнирі кезінде Волдеморт қайта тіріледі. Гарриді құтқару үшін үздік сиқыршылар Феникс орденін иемденеді.
«Сәби қыдырып жүр немесе гангстерлерден қашып, еңбектеп келеді» кинотаспасы күлкіге қарық қылады. Алғыр үш бұзақы жағдайы бар жанұяның баласын алып қашуды ұйғарады. Бірақ, тоғыз айлық Бинкидің жолы болғыш, ол бұзақылардан қашып құтылады. Алайда, үйге қайтар жолды табу қиынға соғады. Көрсетілім сағат 21:00-де басталады.
«Бірінші Қазақстан» ескі кеңестік филмьдер арқылы жаңа жылдық көңіл-күй сыйламақ.
Сағат 16:15-те «Ы» операциясы немесе Шуриктің басқа да хикаялары» фильмі көрсетіледі. Қарапайым көзілдірікті студент Шурик үлкен шиеленіске тап болады.
Сағат 21:15-те көрермендер «Иван Васильевич мамандығын өзгертеді» картинасы арқылы ғалым Александр Сергеевичтің сәтсіз тәжірибесінің куәсі болады. Ғалымның жаңа еңбегі оны Қатал Иван кезеңіне апарады.
Ескі фильмдер марафонын «КТК» да қолдады. Сағат 11:00- де телеарна «Тағдыр тәлкегі немесе Жеңіл буыңызбен!» жаңажылдық фильмін ұсынады. Мәскеулік хирург Женя Лукашин достарымен бірге жыл сайын 31-і күні моншаға барады. Бірақ, бұл жолы еркектер ішімдікті артық ішіп қояды. Нәтижесінде Женя Ленинградқа, белгісіз Надя Шевелёваның пәтеріне тап болады, ал Надя Жаңа жылды жігіті Ипполитпен бірге қарсы алмақшы еді.
пікірлер жоқ, бірінші болыңыз
Пікір қалдыру үшін