Дэниэл Рэдклифф Джонни Депп пен қорғаушыларына қатты айтып тастады
Дэниэл Рэдклифф «Фантастикалық мақұлықтар: Грин-де-Вальд қылмысы» франшизасының жалғасындағы Джонни Депптің рөліне қатысты келіспеушіліктерге алғаш рет өз пікірін білдірді. «Гарри Поттер» жұлдызы Рэдклифф Entertainment Weekly-ге берген сұхбатында «Фантастикалық мақұлықтардың» басты жауызы болып табылатын Депптің сынға ұшырағанын талқылаған жазушы Джоан Роулинг, режиссер Дэвид Йейтсу және Warner Bros. студиясына осы мәселені шешуді сұрады. Депп 2016 жылы ажырасу кезінде бұрынғы әйелі Эмбер Хёрдке балағат сөздер айтқаны үшін айыпталды.
Адамгершілік пен жақсылықты үндейтін Рэдклифф франшиза жалғасына Джонни Депптің қатысуына байланысты былай деп жауап берді: «Бұл мен үшін өте маңызды дүние. Маған «Фантастикалық мақұлықтардың» авторлары өмірге жақсы бастама сыйлап, керемет жұмыспен таныстырды. Бірақ тәртіп те болу қажет, бұрын көптеген актерларды есірткі қолданғаны үшін жазаға тартқан еді. Себебі, олардың әрбір әрекеті кейінгілерге үлгі емес пе? Олар - танымал актерлар, сондықтан ойларына келгенін жасағандары дұрыс емес».
«Мен шынымен де фильм түсірілімі кезінде есірткі қолданған жігіттің тобымызда барын білгенде, таң қалдым. Ол кейін қамауға алынды. Сондай-ақ, Джоннидің де не үшін айыпталғаны түсінікті», - деді де, Дэниэл «Гарри Поттердің» бір бөлімдеріндегі түсірілімде Джейми Уэйлеттпен болған оқиғаны да қысқаша баяндап берді.
Қазіргі кезде, Warner Bros., Йейтс пен Роулинг Депптің «Фантастикалық мақұлықтар: Грин-де-Вальд қылмысы» жобасына қатыспауын қадағалап жатыр.
пікірлер жоқ, бірінші болыңыз
Пікір қалдыру үшін