Джоди Фостер: батырлар жайындағы жоғары бюджетті блокбастерлер студияларды күйретуде
Актриса әрі режиссер Джоди Фостер («Қозылар үнсіздігі», «Қаржы құбыжығы») барлығына сыни көзбен қарауда. Ол Голливудты құртатын және американдық көрермендерді жалған жолмен баурап алатын студиялық жоғары бюджетті фильмдерге қарсылық танытып жатыр.
«Киноға бару тақырыптық саябақты аралаумен тең болды. Студиялар халыққа арнап, жағымсыз контентті төмен деңгейдегі киноларды түсіріп жатыр. Бұл газды өндіру кезіндегі қыртыстардың ажырауына ұқсайды. Сіздер қазір көп қаржыға ие боласыздар, бірақ нәтижесінде жерді құртып жатсыздар. Сондай фильмдер көрермен мәдениетін және Америкадағы, сондай-ақ басқа да елдердегі фильмдер көрсетілімі дәстүрін бұзады. Мен батырлар туралы фильмдерді 200 миллион долларға түсіргім келмейді», - деді Фостер The Telegraph журналына берген сұхбатында.
Одан басқа, Джоди Фостер егер батырлар туралы фильм түсіретін болса, оның бір кейіпкерге арналған әсерлі хикая болатынын мәлімдеді. Мағынасыз атыс-шабыстан гөрі, ол фильм «күрделі шынайы психологияға» тән болуы қажет. Сонымен қатар, ол сұхбатында Голливуд режиссерларына бағытталған әдепсіз қарым-қатынасты айтып берді, көпшілігі Стивен Спилберг пен Клинт Иствуд секілді беделді тұлғаларды ғана мойындайды екен.
«Оскар» мен көптеген жүлделердің иегері актриса Джоди Фостер соңғы уақытта режиссураға көбірек көңіл бөліп жүр. Оның соңғы жұмысы - Netflix –ке арналған «Қара айна» ғылыми-фантастикалық хикаясы.
пікірлер жоқ, бірінші болыңыз
Пікір қалдыру үшін