Джон Сина «Дженсон нұсқауы» атыс-шабыс фильмінің басты рөліне шақырылды
«Жыныстық қатынас болмайды!!!» жаңа комедиясы АҚШ-та көптеген көрермендерді жинап жатыр. Осы таспадағы рөлдердің бірін сомдаушы Джон Сина «Дженсон нұсқауы» атыс-шабыс фильмінің жұлдызы болуы тиіс Universal Pictures студиясы қазір жұлдызбен келіссөз жүргізуде. Фильм өндірісімен Дуэйн Джонсон («Рэмпейдж», «Форсаж 8») мен Дэни Гарсиа («Джуманджи: Орман шақырады», «Малибу құтқарушылары») студиясы Seven Bucks Productions айналысады.
Джонсон кастинг жайлы Instagram-да хабарлады, ол Сина екеуінің реслинг жарысына қатысқаннан бері жалғасып келе жатқан достығы жайлы баяндады. Бұл жайлы актер әрі продюсер былай деді: «Өз жұлдызымды таптым! Жақсы досым Джон Синаны «Дженсон нұсқауы» фильміміздегі басты рөлімен құттықтаймын. Бұл жоба серіктестеріміз Seven Bucks Productions және Universal арқылы бірнеше жыл бойы дамып келеді».
Бастапқыда «Дженсон нұсқауы» фильміндегі басты рөлді Дуэйн Джонсонның өзі сомдайды деп жоспарланған, бірақ жұмыс кестесі тығыз болғандықтан, ол бұл жобада продюсер ретінде ғана жұмыс істемек. Universal студиясы басты рөлдегі Синамен франшиза жасауға дайын, басты назар осы актердің физикалық қабілетіне аударылады. Сценаристер Джеймс Вандербилт («Тәуелсіздік күні: Жаңғыру», «Ақ үйдегі шабуыл») және Акива Голдсман («Қара мұнара», «Қоңыраулар») Джейсон Борн жайлы кітап желісі арқылы жақсы таныс Роберт Ладлэм романының экранды бейімдеуімен айналысып жатыр.
пікірлер жоқ, бірінші болыңыз
Пікір қалдыру үшін