Джонни Деппке жұдырық ала жүгіргені үшін арыз жазылды
«Жалғандық қаласы» қылмыстық триллерінің түсірілім алаңында актерге белгілі бір шектеуді ұстануын талап еткен натура таңдау маманын жұдырықпен ұрып жібергені үшін Джонни Деппке дүйсенбі күні шағым түсті. Грегг «Рокки» Брукс бұл оқиғаның 2017 жылдың 13 сәуірінде Депп Лос-Анджелес орталығындағы Barclay қонақ үйінің жанында түсіп жүрген кезде болғанын растады. «Жалғандық қаласы» екі рэп жұлдызы Тупак Шакур мен Notorious B.I.G.-тің өлімін зерттеген полицей хроникасы жайлы баяндайды және Рэндалл Салливан кітабына негізделген.
Брукстың айтуынша, түсірілім тобы қонақ үйдің жанынан 19:00-ге дейін және 22:00-ге дейін қонақ үйдің ішінде түсіруге рұқсат алған, екі досымен бірге ұзақ режиссерлік нұсқасын түсіргісі келген Деппен ақылдасып, одан осы уақытты ұзартуын сұраған. Брукс түсірілімді тура 23:00-ге дейін ұзарта алғанын, әрі қарай жұмыстың тоқтатылуы тиіс екенін режиссер Брэд Фурманға хабарлағанын растады. Фурман шамамен былай деген: «Сіздер мұны неге Джонни Деппке айтпайсыздар?».
Брукс жұмыстың аяқталғанын Деппке айтпақ болып, тіпті полицейдің көмегіне жүгінген, себебі Депп оған: «Сен неге келдің? Сенің маған не істеу керектігімді айтуға құқың жоқ!», - деп айғайлап жіберген. Брукс натура таңдау маманы ретінде түсірілімнің қалалық нормаларға сай екеніне көз жеткізуі тиіс екенін түсіндіруге тырысқан. Депп шамамен, былай жауап берген: «Сенің кім екеніңе түкіргенім бар, сен маған бұйрық бере алмайсың!». Содан кейін актер Брукстың көкірегінің сол жақ төменгі жағынан екі рет жұдырығымен соғып қалған, сондай-ақ: «Менің бетімнен дәл қазір салып қалсаң, саған 100 000 доллар беремін!», - деген. Брукс Депптен ішімдіктің иісі аңқып тұрғанын да айта кетті.
.jpg)
пікірлер жоқ, бірінші болыңыз
Пікір қалдыру үшін