Ермек Тұрсынов «Киномеханик» фильмінің түсіріліміне кіріспек
Отандық режиссер Ермек Тұрсынов «Киномеханик» атты толықметражды картинаның түсіріліміне дайындалып жатыр. XX ғасырдағы киносеріктеске арналған фильм ҚР Мәдениет және спорт министрлігінің тапсырысы бойынша «Қазақфильм» және «Тұрсынов фильм» ЖШС киностудияларымен түсіріледі. Жобаның продюсері - Қанат Төребаев.
«Киномеханик» кинотаспасы Ұлы Отан соғысы кезінде бір ер азаматты құтқарып қалған сарбаз туралы баяндайды. Аман қалған азамат сарбазға сыйлық ретінде кинопроекторды ұсынады. Кейіпкер сол уақыттан бүгінгі күнге дейін киноаппараттан бір елі ажырамайды. Ел аралап, әлемді жақсы жаққа қарай өзгерту мақсатымен ескі фильмдерді көрсетіп жүреді.
Ермек Тұрсынов бұл картинаның идеясын басты рөлді сомдауы тиіс болған марқұм актер Меңтай Өтепбергенов ұсынғанын жасырмады. Бірақ, актер кинодағы алғашқы басты рөлін сомдай алмай, ұзақ науқастан соң 2016 жылы дүниеден озды.
Ш. Айманов атындағы «Қазақфильм» АҚ баспасөз қызметінің суреттері қолданылды
Авторлар жаңа кастинг ұйымдастырып, басты рөлдерге Мұрат Мұқажанов пен Қуат Төлеубаевты таңдады. Фильмге қазақстандық актерлардан бөлек, ресейлік актриса Нина Усатова да қатысады деп жоспарлануда.
Соғыс эпизодтарының түсірілімі былтырғы жылдың желтоқсан айында Будапештте, Венгрияда өткен. Түсірілген материал 8 минутты ғана құраған.
Ал негізгі көріністер 31 мамырда Алматы облысында, Жаркент қаласының маңында түсірілетін болады.
пікірлер жоқ, бірінші болыңыз
Пікір қалдыру үшін