Федор Бондарчук ірі киножобаларды қаржыландыру үшін Kickstarter көшірмесін шығармақ
Танымал ресейлік режиссер әрі продюсер Федор Бондарчук («Тартылыс», «Сталинград») ірі киножобаларды қаржыландыру үшін Kickstarter көшірмесін шығармақ. Краудфандингті платформа Cinemico деген атауға ие болды. Жаңа бизнес-жобаның Kickstarter-мен салыстырғанда, басты ерекшелігі - көрермендер өздеріне қызықты жобаның қосалқы инвесторы болып қана қоймай, Cinemico-ның ойынша, қаржыны қайтарып ала алады.
Бұл краудфандингті платформаның функциясы келесідей: Cinemico кинокомпанияның жарыққа шығуға дайын фильмінің барлық (несеме бөлігі) құқығына ие болады, жекеменшік ұсақ инвесторлар жобаға өз ақшаларын салып, токен алады. Токендер сол немесе басқа да таспаларға қаржыландыру құқығын беретін кепілді сандық көшірме болып табылады. Егер осылай қаржыландырылған таспа айналымда табысқа жетсе, токендер иесі инвестиция көлеміне сай табысқа ие болады. Ал табыссыз жоба болса, салынған қаржы қайтарылады.
Алғашқы жылдары Cinemico ірі кинокомпаниялардың сценарийі жазылған, жартылай өндірістік бюджеті бар жобаларын ғана қаржыландырады. Мұндай әдіс арқылы табыс табу үшін болжанған түрлі франшизалардың ақшасын жинау оңай болады. Бондарчуктың «Тартылысының» сиквелі Cinemico-ның алғашқы жобасы болады деп жоспарлануда, әрі қарай Никита Михалковтың «Тритэ» студиясының блокбастеріне қатысты жұмыстар басталуы мүмкін. Бір қызығы, «Тартылыс» Ресейде айналымнан 10 миллион доллар көлемінде табыс тапқан.
.jpg)
пікірлер жоқ, бірінші болыңыз
Пікір қалдыру үшін