«Мүмкін бе, жоқ па?» фильмі Open Central Asia Festival-ге қатысады

5 Қазан, 2017
Мадина
989
0

«Мүмкін бе, жоқ па?» әлеуметтік фильмі Open Central Asia Festival-дің қатысушысы атанды. Екінші фестиваль 5-15 қана аралығында Ұлыбританияның Лондон қаласында өтпек. Қазақстан картинасының көрсетілімі 11 қазан күні болады.

«Мүмкін бе, жоқ па?» драмасы - Уильям Шекспирдің «Гамлет» пьесасының талдауы. Сюжетте мүмкіндігі шектеулі Тахирдің өмірі баяндалады. Бозбала актер болуды армандайды, бірақ оның диагнозымен бұл мүмкін еместей көрінеді. Дегенмен, күш-жігер мен еңбек және жақсылыққа деген сенім кейіпкерді арманына жақындата түседі. Басты рөлді Тахир Омаров сомдады. Картинаны «АРДИ» қорының қолдауымен Азизжан Заиров пен Мұхамед Мамырбеков түсірді.

_{Open Central Asia Festival фестивалінің бағдарламасы}

Open Central Asia Festival 2016 жылдан бері өткізіліп келеді. Шараның ұйымдастырушысы - Orzu Arts жас театр компаниясы. Фестивальдің мақсаты – мәдени алмасу арқылы Шығыс пен Батысты біріктіру.

Айта кету керек, «Мүмкін бе, жоқ па?» шетелге алғаш рет шығып отырған жоқ. Әлеуметтік драманы Сан-Францискодағы «Superfest» және Мәскеудегі «Кедергісіз кино» кинофестивальдерінде жоғары бағалап үлгерген.