Тимур Бекмамбетовтың «Время первых» фильмі қазақ тілінде шығады
Тимур Бекмамбетов продюсерлік еткен «Время первых» фильмі қазақ тіліне дубляж жасалды. Дубляж жасауға мұрындық болған корпоративті қор «Болашақ» және Marvin компаниясы. Фильм еліміздің барлық кинотеатрларында 6 сәуірден бастап қазақ тілінде көрсетіледі.
«Время первых» - 3D форматында ғарышқа арналған алғашқы ресейлік фильм. Картина болған оқиғаға негізделген: 1965 жылы «Восход-2» кемесі Жер орбитасына ұшты, осы кезде адам алғаш рет ғарыш кеңістігіне шықты. Режиссерлық орынтақ Дмитрий Киселевқа бұйырды, ал визуалдық бөлігі - қоюшы-операторы Владимир Баштқа сеніп тапсырылды. Лентаның өндірісімен Bazelevs студиясы және «Третий Рим» продюсерлік орталығ айналысты.
«Время первых» фильмінен кадр
Фильмнің кәсіби дубляждың режиссеры Айжан Жәмшитова, ол бұған дейін «Золушка», «Книга джунглей», «Малефисента» фильмдерінің дубляжымен айналысқан. Лентаның кейіпкерлері келесі актерлердің дауысымен сөйлейді: Азамат Қанапин, Ғани Қожанов және Бақытжан Нүрпеисов.
Айта кету керек, «Время первых» ғарыштық драмасы - Тимур Бекмамбетовтың қазақ тіліне аударылған алғашқы жобасы.
1 пікір
Пікір қалдыру үшін
Askhat
24 наурыз 2017, 21:57Молодцы «Болашак» и все кто к этому причастен. Больше фильмов на родном, казахском языке.