«Кино суретшілері. Шынайы елес» көрмесінің ашылуынан фоторепортаж
25 шілде күні Esentai Gallery-да «Кино суретшілері. Шынайы елес» көрмесі ашылды. Отандық қоюшы-суретшілердің жұмыстарының экспозициясы алғаш рет өткізіліп отыр. Көрменің ұйымдастырушылары – продюсер әрі кинотанушы Бақытгүл Мырзабекова, кинотанушы әрі суретші Нұрия Қаспақова және сценарист Наиля Әбдірашитова.
Ерекше көрмеде Сәбит Құрманбеков, Өмірзақ Шманов, Мұрат Мусин, Сергей Копылов, Рустам Одинаев және Юлия Левицкая сынды белгілі суретшілердің танымал картиналарға арнап салған эскиздері таныстырылды.
«Біз кинодағы суретшілердің жұмысын аса бағаламаймыз. Ол кісілердің еңбегі кадр сыртында әрдайым ескерусіз қалып жатады. Бірақ, фильмнің бейнелі мазмұны суретшілерге тікелей тәуелді. Сондықтан, біз ұйымдастырушы ретінде тұрғындарды қоюшы-суретшілердің жұмысымен жақынырақ таныстырғымыз келді. Бұл көрмені жыл сайынғы әдемі дәстүрге айналдырмақшымыз. Ашылуына көп адамның келгені қуантады. Бұл біздің тобымызды жаңа жобалар жасауға шабыттандырады»,-деп бөлісті Бақытгүл Мырзабекова.
Алматылықтар суретшілердің жұмысын 6 қыркүйекке дейін тамашалай алады. Көрмеге кіру тегін.
Шараның қалай өткенін, қандай иллюстрациялардың ұсынылғанын арнайы фоторепортаждан көре аласыздар.
Суреттерді сайт серіктесі - Paparazzi club ұсынды.
пікірлер жоқ, бірінші болыңыз
Пікір қалдыру үшін