«Миымды ашытпаңыздаршы» фильмінің түсірілімінен фоторепортаж

21 Апреля, 2018
BrodKaz
2 101
0

Келесі аптадан бастап «Миымды ашытпаңыздаршы» комедиялық картинасы айналымға шығады. Фильмнің режиссері ретінде Джами Бейсенов жұмыс істеді.

Кинотаспаның сюжеті Шри-Ланканың түрмесінен әкесін шығарып алуға тырысатын Жанель есімді бойжеткен жайлы баяндайды. Ол екі күннің ішінде ықпалды достары мен туыстары жоқ бөтен елде әкесін құтқарудың амалын табуы керек. Жанель әкесін құтқарып, оны аман-есен отанына қайтара ала ма, оны кинодан біле аласыздар.

Фильмнің атқарушы продюсері ретінде Виталий Кистанов жұмыс істеді, ал сценарийін Джами Бейсеновтің өзі жазды, сондай-ақ, картинаның қоюшы-операторы - Александр Вертяков.

Басты рөлдерді Жібек Жаппасбаева, Фархат Құлбаев, түсірілім үшін арнайы тук-тук жүргізуді үйренген Төлепберген Байсақалов, Ерден Телемісов және Ниязбек Шайсұлтанов сомдады.

Тропикалық комедияның түсірілімі ыстық Шри-Ланкада қалай өткенін білгіңіз келсе, біздің фоторепортажымызды парақтаңыздар.