«Хабар» арнасы «Мезгілсіз махаббат» хикаясының тұсауын кеспек
«Хабар» телеарнасы көрермендерге «Мезгілсіз махаббат» атты жаңа хикая ұсынбақ. Отбасылық комедияның тұсаукесері 7 қараша күні сағат 19:30-да болады.
«Мезгілсіз махаббат» хикаясындағы оқиға ауылда өрбиді. Өмірде көпті көрген ақсақал қайта ғашық болады. Қарттың жүрегіне астанадағы зейнеткер апа жол тапқан. Көрермендерге ерекше махаббат оқиғасы ұсынылады, картинада ауыл мен қаланың, көне дәстүрлер мен заманауи өмірдің қарама-қайшылығы бейнеленеді. Дегенмен, авторлардың айтуы бойынша, картинаның негізгі идеясы махаббаттың жасқа қарамайтындығын көрсету болып табылады.
«Мезгілсіз махаббат» хикаясының түсірілімінен көрініс
Телехикаяны режиссер Анвар Матжанов түсірген, сценарийін Жәмид Көшербаев және Асқар Дүйсенбі жазған. Көпсериялы фильмнің өндірісімен «5 студия TV PRODUCTION» компаниясы айналысты.
Хикая кейіпкерлерін Айдос Бектеміров, Қуандық Шәкіржанов, Жалғас Толғанбай, Дариға Бадықова және Нұрлан Еспанов сомдады.
Телекөрермендерге 14 бөлім ұсынылады. Әр бөлімнің ұзақтығы 25 минутты құрайды.
пікірлер жоқ, бірінші болыңыз
Пікір қалдыру үшін