«Хабар» оралман жайын баяндайтын «Тасөткел» хикаясын көрсетпек
16 қаңтар күні «Хабар» телеарнасының эфирінен «Тасөткел» тарихи-шытырман оқиғалы фильмі көрсетіледі. 12 бөлімнен тұратын таспаны режиссер Бақыттас Санитас және сценарист Сержан Зәкерұлы түсірді.
«Тасөткел» («Перевал») картинасының негізіне өткен жүзжылдықтағы 30-жылдарда болған шынайы оқиға арқау болған. Сюжетте бала Қасым баяндалады, ол отбасымен бірге туған даласын тастап, Ауғанстанға көшуге мәжбүр болады. Алайда, ауыр әрі ұзақ жолды Қасым ғана аман-есен жүріп өтеді, оны қарт етікші тәрбиелейді. Бөтен елде өскен қазақ баласын түрлі сынақтар, кездесулер мен табыс күтіп тұрады.
Фото: massaget.kz
Әр түрлі жастағы Қасымды Бауыржан Қаптағай мен Арнұр Құдиярбек сомдады. Көрермендер сонымен қатар, хикаядан Марат Абай-Ділда, Дархан Сүлейменов, Ғазиз Сұрапбаев, Ергенбай Әбуов сынды актерларды және жас актриса Наргиза Алтайбайды көре алады.
«Тасөткел» картинасы Қазақстанда және Түркияда түсірілді.
Превью: massaget.kz
1 пікір
Пікір қалдыру үшін
Даник
15 января 2018, 02:50Дұрыс. Оралмандар жайын қозғайтын фильмдердің көп болғаны жөн.