«Хабар» әйел дәрігері туралы «Абзал жан» хикаясын түсіріп жатыр
«Хабар» телеарнасы «Абзал жан» жаңа хикаясының түсіріліміне кірісті. Көпсериялы фильм болашақ аналардың басынан өтетін қиындықтар туралы баяндалатын танымал «Женский доктор» атты Ресей хикаясының қазақстандық нұсқасы болып табылады.
Жобаның қоюшы-режиссері – Серікбол Өтепбергенов, ол бұрын да «Жедел жәрдем» хикаясында медицина қызметкерлерінің өмірін түсірген болатын.
«Маған жобаға қатысуға продюсер Николай Пак ұсыныс білдірген еді. Ол алдын-ала сценарийімен де таныстырды. Мен қуана келісімімді бердім, өйткені хикаяда қоғамымыздағы өзекті мәселелердің бірі – сәбидің түрлі аурумен туылатынына әсер ететін жүкті әйелдердің денсаулығының нашарлауы көрсетіледі. Фильм арнайы кәсіпке байланысты болғандықтан, түсірілім алаңында екі медицина кеңесшісі жұмыс істеді. Олар фактілердің, диагноздардың дұрыстығын тексереді, ота кезінде скальпельді қалай ұстау керектігін, тілімнің қалай орындалатынын және қандай терминологияны пайдалану қажеттілігін айтып отырады. Бұл тақырыпқа қатысты барлығы шынайы болмақ»,-деді Серікбол Өтепбергенов.
Суреттер Серікбол Өтепбергеновтың жеке Instagram парақшасынан алынды
Хикаядағы оқиға басты кейіпкер дәрігер Абзал Смағұлов аясында өрбиді. Ер азамат бұрын алдыңғы қатарлы қалалық медицина орталығында жұмыс істеген болатын. Алайда, өміріндегі жеке трагедияға байланысты, көпшіліктің көзінен тасада қалу үшін кішкентай ауруханаға орналасады. Дәрігер жеке драмасына және қиындықтарға қарамастан, өзінің қаралушыларына көп көмектеседі.
Басты кейіпкерді актер Қажымұқан Қалымбетов сомдайды. Оның экрандағы әріптестерін әрі достарын Ақмарал Дайрабаева, Ербол Садырбаев, Қазбек Аташ және т.б. ойнайды.
Хикая Алматыда арнайы салынған павильонда түсіріліп жатыр.
«Абзал жан» хикаясы эфирге осы күзде шықпық. Көрермендерге барлығы 32 бөлім ұсынылады.
пікірлер жоқ, бірінші болыңыз
Пікір қалдыру үшін