Қанат Бейсекеев «Аралық» атты жаңа фильмін таныстырды
Алматыда The Art of Storytelling фестивалінің аясында Қанат Бейсекеевтің «Аралық» («Gap year») фильмінің тұсауы кесілді. Жаңа деректі хикаяның кейіпкері - Ержан Алдабергенов, ол қалтасындағы 5 мың доллармен әлемге саяхат жасайды. Қанат Бейсекеев бұл жобаның қалай түсірілгенін және фильмдерге арқау болатын оқиғаларды қалай табатынын фестиваль қатысушыларына айтып берді.
«Біз Ержанмен бұрыннан таныспыз. Бір күні ол барда отырған кезде жұмысына көңілі толмайтынын айтты. Ақыры екеуіміз оның қаңтарда әлем бойынша саяхатқа шығатынын айтып, бәстестік. Ержан айтқанындай жасады, сөмкесін жинап, билет сатып алды. Мен одан саяхатын бейнежазбаға түсіріп отыруын сұрадым. Бірақ, ол аз бейнежазба түсірген екен, дегенмен барлығы фильмге кірді. Монтажға бір жылдан кейін ғана кірістім»,-деп бөлісті режиссер.
Қазіргі таңда Қанат коммерциялық бағытта да табысты болатындай толық метр түсіру үшін оқиға қарастырып жатыр. Тіпті, кейіпкері Геннадий Головкин болуы мүмкін дегенді алға тартты.
«Қызықты хикаяларды аяқ астынан тауып аламын. Біреулер маған айтып берсе, енді бірін әлеуметтік желіден тауып жатамын. Егер мен адамның әңгімесіне қатты қызықсам, кез-келген уақытта әлемнің бір бұрышына билет сатып алып, кете беремін. Қазіргі мақсатым біреу ғана, ол - толық метр түсіру. Ол мүмкін Геннадии Головкин туралы болып қалар»,-деп түсіндірді Бейсекеев.
Сонымен қатар, дерекші-режиссер көрермен мен картина кейіпкері арасындағы алшақтықтың ұзақ болмауы тиіс екендігін айтты. Сондықтан, оның жұмыстары көрермендерге қызықты шығар.
«Аралық» фильмі ғаламторға жақына арада шығады.
пікірлер жоқ, бірінші болыңыз
Пікір қалдыру үшін