Қазақстандық бойжеткен «Арман қуып Парижге» атты ұлтаралық хикаясын түсіріп жатыр
Парижде «Арман қуып Парижге» хикаясының түсірілімі өтіп жатыр, оның авторы әрі режиссері отандасымыз – UniFrance авторлық киноның француз режиссерлары тізіміне енген AnarelleMus (Анар Мүсірепова). Қоюшы несие алып, кинокамера сатып алады да, өзінің серіктестерін жинап, бұрынғы арманын орындауға, яғни Париж туралы және махаббат пен бостандық қаласымен өмірін байланыстырғысы келетіндер жайлы кино түсіруге кірісіп кетті.
«Хикаяның идеясы толығымен өзімдікі. Мен оны бұрыннан бері ойлап жүретінмін, себебі өзім Парижде тұрғандықтан, кейде күлкілі, кейде драмалық тұрғыда болған эмиграцияның барлық қиындықтарын басымнан өткердім. Тіпті, камераны қосып қойып, түсірсең де оның драматург ойлап тапқан көрініс емес, шынайы өмір екенін ешкім түсіне қоймайды. Дегенмен, кинематографшы ретінде ақыры ойланып, камерамен түсіруді ұйғардым»,-дейді AnarelleMus.
«Арман қуып Парижге» хикаясы құлдырау мен өркендеу, сәттілік пен сәтсіздік, махаббат пен сатқындық, үміт пен Париждегі әдемі өмір және арман туралы баяндайды.
Автордың айтуынша, көрермендерді қызықты, күлкілі дүниелер күтіп тұр. Әсіресе, Париждің боямасыз өмірі: лас және әдемі көшелер, барокко стиліндегі архитектурасы, рококо, қаңғыбастар мен байлар, студенттер мен зейнеткерлер, кеңсе қызметкерлері мен әртістер көрсетіледі.
Anarelle жобада тек сценарий авторы әрі режиссер ретінде ғана емес, сондай-ақ продюсер, оператор әрі саундтрек авторы ретінде танылмақ. Сценарий жазуға атқарушы продюсер Елена Сурина көмектесуде. Дегемен, көпсериялық фильммен бүтін бір топ жұмыс істеп жатыр.
.jpg)
.jpg)
.jpg)
«Хикая кәсіби әрі әуесқой мамандармен жасалып жатыр. Түсірілімге Кеңес Одағы кезінде өмір сүрген 20 ұлт қатысуда. Оларды бір-бірімен орыс тілі, тарихи естелік және бастысы өзара көмек, түсіністік пен қолдау байланыстырады. Адамдар саған қарай ағылып, қолдау білдірген кезде, арман толы – dreamteam пайда болады»,-деп қоса кетті режиссер.
Авторлардың ойынша, «Арман қуып Парижге» хикаясының түсірілімі бір жылға созылмақ. Көрермендерге 6 бөлімнен тұратын бірнеше маусым ұсынылады.
Оқырмандар хикаяның Инстаграмдағы @za_mechtoi_v_paris парақшасына жазылу арқылы жобаға қолдау білдіре алады.
Суреттер хикаяның Инстаграмдағы архивінен алынды
пікірлер жоқ, бірінші болыңыз
Пікір қалдыру үшін