Қазақстандық қысқаметражды фильмдер «Үміт» атты ТМД елдері жас киносы Форумына қатысып жатыр
Қырғызстанда «Үміт» атты ТМД елдерінің жас киносы V Форумы басталды. Оның байқау бағдарламасына Қазақстанның атынан 4 фильм қатысуда. Шара Бішкекте, Шыңғыс Айтматов атындағы кино Үйінде өтіп жатыр.
Халықаралық байқау бағдарламасына Қырғызстаннан, Литвадан, Өзбекстан мен Тәжікстаннан 10 фильм енген. Солардың арасында мынадай қазақстандық картиналар бар: Жайық Белқожаев «Мен оралдым», Асылхан Шәкенов «Бір күні кішкентай қалада», Евгений Лумпов «Жол», Рақымжан Қалдыкөз «Шыңырау». Жұмыстарды Қазақстан, Қырғызстан мен Ресей киноқайраткерлері бағалайтын болады.
«Үміт» атты ТМД елдерінің жас киносы Форумы – жас кинематографшылар мен олардың шығармашылығын қолдайтын жыл сайынғы шара. Көрсетілім ұйымдастырушылары – Қырғыз Республикасы мәдениет, ақпарат және туризм Министрлігі аясындағы кинематография департаменті.
Биылғы жылы кинобайқауды Джатла Сиддартхтың «Кепілдік» үнді таспасы ашты. Форумның жабылуы 20 желтоқсан күні болады.
Еске салсақ, 2016 жылы көрсетілімге 6 отандық фильм қатысқан. Аян Бұғыбаевтың «Кекеш» деректі таспасы «Замандас образын ашқаны үшін» қазылар алқасының сыйлығына ие болды.
Превью: limon.kg
пікірлер жоқ, бірінші болыңыз
Пікір қалдыру үшін