Астанада ATAU студенттік картиналар кинофестивалі өтеді
Алғашқы ATAU тәжірибелік студенттік фильмдер кинофестивалі Қазақстанның астанасында 28 қараша мен 1 желтоқсан аралығында өтеді. Шараның басшысы әрі ұйымдастырушысы Айгүл Ибраева болды.
Кинофестивальде «ПлатформА» алаңқайы ашылады.
«ПлатформА» шығармашылық алаңқай болады. Ол жақта көрмелер өтеді, тәжірибелер, перфоманстар мен зерттеулер жүргізіледі. Осылайша, мәдениеттің дамуына үлес қосқымыз келеді», - деді Айгүл Ибраева.
ATAU байқау бағдарламасына 23 картина келіп түсті, оның екеуі – анимация, тағы екеуі деректі бағытта түсірілген, қалғаны көркемсуретті кино.
Студенттік жұмыстарды Қазақстан киносыншылар қауымдастығының мүшесі Александра Поршнева, өнертанушы-кураторлар Әйгерім Мәжитхан және Ольга Скальчук (Ресей) бағалайды.
Жеңімпаздар келесі номинациялар бойынша анықталады: «Үздік фильм», «Үздік режиссер», «Үздік оператор». Сондай-ақ, көрермендер көзайымына лайықты қатысушы таңдалады.
Фестиваль 4 күнге созылады, әр кеш сайын 5-6 фильмнен көрсетіліп отырады.
ATAU мақсаты жас режиссерларды қолдау және шығармашылық идеялармен алмасу болып табылады. Ұйымдастырушылар фестиваль дәстүрге еніп, жыл сайын дамып отырады деп үміттеніп отыр.
Шараның нәтижесі биылғы жылдың 1 желтоқсанында белгілі болмақ.
пікірлер жоқ, бірінші болыңыз
Пікір қалдыру үшін