«Canon» компаниясы «Болашақ энергиясы» тақырыбына үздік бейнероликке байқау жариялады

28 Мамыр, 2017
Мадина
1 654
0

«Canon» компаниясы «Болашақ энергиясы» тақырыбына түсірілген бейнероликтер арасында студенттік байқау жариялады. Байқауға әл-Фараби атындағы Қазақ Ұлттық университетінің, Назарбаев Университетінің және ҚМЭБИ (Қазақстан менеджмент, экономика және болжау институты) студенттері қатыса алады. Шара халықаралық ЭКСПО-2017 көрмесінің аясында өткізіліп отыр.

Байқаудың негізгі шарты – «Болашақ энергиясы» тақырыбына арналған 3-5 минуттық бейнеролик түсіру. Ұйымдастырушылар қатысушыларға ролик түсіру үшін арнайы бейнекамера (Canon EOS C300 и Canon XF305) береді.

әл-Фараби атындағы ҚазҰУ-дың студенттеріне арналған шеберлік сыныбы

Жұмыстарды еліміздің киноөндірісінің танымал өкілдері бағалайтын болады. Әділқазы мүшелерінің бірі «Canon» компаниясының Қазақстандағы өкілі Александр Смирнягин болмақ. Оның айтуынша, байқаудың мақсаты – дарынды жастарды қолдау, дамуға жетелеу және жаңа буынның шығармашылығын шыңдау.

Байқау 25-тамызға дейін жалғасады. Жеңімпаздарды 6-қыркүйек күні австралиялық ЭКСПО павильонында анықтайтын болады. Сыйлық ретінде 600 000 және 400 000 теңгеге Canon техникасын сатып алуға арнайы талон беріледі. Сонымен қатар, барлық қатысушыларға «Canon» компаниясының атаулы сертификаттары табысталады.