«Заңнан тыс патша»: Дэвид Маккензи Торонтодағы көңілсіз қабылдаудан кейін хронометражды 20 минутқа қысқартты
Дэвид Маккензи («Қалай да», «Жердегі соңғы махаббат») Торонтодағы халықаралық фестивальдің ашылу фильмі болған «Заңнан тыс патша» кең көлемді тарихи драмасының көрсетілімі өткеннен соң, картинаны жылы қабылдамағанның салдарынан, хронометражды 20 минутқа қысқартты. Орта ғасырдағы Шотландия өмірінен сыр шертетін таспа Netflix стримингті қызметі үшін түсірілді. «Бірақ, бұл әзірге тек эпопея», - деді режиссер, фильмнің 137 минуттан екі сағаттай уақытқа қысқартылғанын хабарлай отырып.
«Кинотеатрдағы көрсетілім кезінде көрременнің қандай сезімде болғанын мен де сезіне алар едім. Адамдардың не ойлағанын және жұмысыма деген қызығушылығын білу мен үшін өте маңызды», - деді Маккензи фестивальдің аяқталуынан кейін үш күн өткен соң, «Заңнан тыс патшаның» жаңа нұсқасының монтажына кірісіп. Бір қызығы, көріністердің бірінде шотланд патшасы Роберт Брюс рөлін сомдаған Крис Пайн («Уақыт қалтарысы», «Ғажайып әйел») толықтай жалаңаш күйінде шығады, режиссер бұл эпизод үшін соңына дейін күресетін сияқты.
«Адамдардың осыған неліктен бас қатыратындарын түсіне алмаймын. Мен он фильм түсірдім, көпшілігінде жалаңаш ерлер көрсетілді. Ол шомылу көріністері еді. Адамдардың жуынатын бөлмеден киімсіз шығатыны белгілі», - деп соңғы нүктесін қойды Дэвид Маккензи.
«Заңнан тыс патша» тұсаукесері 2018 жылдың 9 қарашасынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін