Мартин Скорсезе өзінің фильміне қайтадан Леонардо ДиКаприоны түсірмек
Картина «Тастанды Z қаласы» фильмі (басты рөлді Брэд Питт сомдаған) арқылы танылған Дэвид Гранның деректі кітабының негізінде түсірілмек.
Гранның деректі кітабы «Killers of the Flower Moon: The Osage Murders and the Birth of the FBI» («Гүлді айдың киллерлері: Осейджейлер өлімі және ФТБ-ның (ФБР) пайда болуы») деп аталады.
Түсірілімі «Ирландық» фильмінің жұмыстары біткен соң, 2018 жылдың көктемінде басталады.
Жаңа хикаяның сюжеті ФТБ-ның қалай құрылғанын баяндайды. Оқиға XX ғасырдың басында осейдж үндістері тайпасының аумағында Оклахомадағы Осейдж маңында болған. Осы жерден мұнай табылады да, жергілікті тұрғындардың жартысы байып кетеді. Алайда, біреуге бұл жағдай жақпай қалады да, тұрғындарды бірінен кейін бірін өлтіре бастайды. 1923 жылы істі тергеу Бюросына тапсырады, кейіннен оның атауы Федералды тергей Бюросы болып өзгертіледі.
Мартин Скорсезе мен Леонардо ДиКаприо «Нью-Йорк бұзақылары», «Авиатор», «Жолдан тайғандар» және «Уолл-стриттегі қасқыр» секілді фильмдермен жұмыс істеген. Олардың барлығы «Үздік фильм» ретінде «Оскар» жүлдесіне ие болған.
пікірлер жоқ, бірінші болыңыз
Пікір қалдыру үшін