«Демалыстағы құбыжықтар 3»: алғашқы дубляждалған трейлер
Құбыжықтардың тобы қайта жиналды – олар қонақүйден кетеді!
«Демалыстағы құбыжықтар 3» картинасындағы Дракула (түпнұсқасын Адам Сэндлер дыбыстайды) қызымен бірге (Селена Гомес) қонақүйдің басшысына демалыс сыйлап, саяхатқа аттанады.
Селена Гомес алдағы тұсукесер жайында былай дейді: «Бұл жолы құбыжықтардың барлығы қонақүйден кетіп, көңілді хикаялар іздеп, жазғы саяхатқа аттанады. Алдыңғы фильмдерде қызықты жағдайға тап болған кейіпкерлер одан сайын күлкілі бола түспек. Менің Дракула әкешім әлеммен танысады, кейіпкерім Мэвис әкесін тым өбектейді. Рөлімнің қызықты болғандығы соншалық, түсірілімде уақыттың қалай өткенін байқамай қалдым».
Осы фильмнің арқасында Гомес 2013 жылы дыбыстай бастаған кейіпкеріне басқаша көзқараспен қарай бастады.
«Бұл тамаша ғой, себебі осы уақытқа дейін Мэвиспен бірге өсіп келемін, маған оны дыбыстаған ұнайды. Оның көңілді жүретініне және ақылдылығына тәнтімін. Ол өте сүйкімді әрі өз-өзіне сенімді қыз, өзімен-өзі болуға тырысады. Өз отбасын жақсы көретін қызды сомдаған ұнайды, соның арқасында көптеген жанұялар көрсетілімге келеді деп ойлаймын».
Режиссер Дженнди Тартаковский Гоместің сөзін растай отырып, өз пікірін білдірді: «Мэвистің әкесімен қарым-қатынасы – бар оқиға бастау алатын қатынас. Әр фильм сайын екеуін халық жақсы көріп келеді, олардың алға жылжығанын байқаймыз, себебі Дракула мен Мэвис – әр оқиғаның өзегі. Селенамен бірге жұмыс істеудің өзі бір ғанибет, ол шығармашылыққа толығымен ден қойып, әр мультфильмге шынайылық пен табиғилық сыйлайды».
пікірлер жоқ, бірінші болыңыз
Пікір қалдыру үшін