BBC World News «Қазақстан аңыздары» роликтер топтамасын көрсете бастады

8 Қараша, 2017
Мадина
1 095
0

BBC World News телеарнасы «Қазақстан аңыздары» атты роликтер көрсетілімін бастады. Қазақ мәдениеті ескерткіштеріне арналған бейнероликтер топтамасын BBC мен «Қазақфильм» киностудиясы түсірген.

Жобаның негізгі мақсаты – шетелдік көрерменді қазақ халқының мәдени ескерткіштерімен: Айша Бибі мен Қожа Ахмет Яссауи кесенелерімен, «Алтын адам» әйгілі жәдігерімен таныстыру.

Роликтер түсірілімі осы күзде Алматыда, Үшқоңырда, Түркістан мен Қапшағайда өткен. Режиссерлік орынды Дарья Чернова иеленген, ал қоюшы-оператор ретінде Мәскеуден Денис Аларкон-Рамиресті шақырған.

Сондай-ақ, көрермендер экран арқылы қоюшы-суретші Бөпеш Жандаевтың және костюм бойынша суретші Елена Рубанованың жұмысын бағалай алады.

Көрермендер ата-бабамыздың образында Оңдасын Бесікбасов, Аян Өтепберген, Динара Бақтыбаева және Фариза Ескермес сынды актерларды көретін болады.