«НТК» арнасынан «ОрыStar Шымкентте» хикаясы көрсетіле бастайды
11 қыркүйек күні «НТК» телеарнасынан «ОрыStar Шымкентте» хикаясы көрсетіле бастайды. Көпсериялы комедия ««ОрыStar әдісі» ситкомының жалғасы болып табылады, ол жақтағы басты кейіпкерлер қазақ тілін үйренеді.
«ОрыStar Шымкентте» хикаясындағы ауылдан қалаға келген кейіпкерлер қазақ тілін ұмытып бара жатқандарын түсінеді. Достар жақсы мұғалім іздеп жүріп, Шымкентке келеді, бірақ мекен-жайдан қателесіп, кішкентай дәмханаға тап болады. Дәмхананың иесі жігіттердің қазақ тілі маманын іздеп жүргенін біліп, жалған ұстаз болып көрінеді. Кәсіпкер Семен, Сергей және Женяны жұмысқа алады, осыдан бастап жігіттердің шытырманға толы жаңа оқиғалары басталады.
«Екінші маусымның біріншісінен айырмашылығы бар. Біріншіден, локациялар өзгереді. Барлық оқиғалар Шымкентте өтеді. Біз бұл қаланы бекер таңдаған жоқпыз. Бұл жақтың мәдениеті, тұрғындары мен салттары басқалардан өзгеше. Екіншіден, көрермендерді көптеген әзіл-қалжыңдар күтеді. Сценарийімен Анар Жүнісова және Қуат Садықовтың жетекшілігіндегі үлкен топ айналысты. Үшіншіден, хикаяда жаңа кейіпкерлер бар, оларды әзіл актерлары: Әбунасыр Серіков пен Асқар Наймантаев сомдады»,-деді идея авторы және жоба актері Сергей Закора.
Суреттер Дана Рыскелдинованың жеке парақшасынан алынды
Сондай-ақ, көрермендер картинадан Семён Махов, Евгений Шворнев, Айдана Асқар және Ольга Спиринаны көре алады. Жаңа шығарылымның режиссері - Тимур Дулатов, продюсері - Дана Рыскелдинова.
«ОрыStar Шымкентте» хикаясы ағымдағы жылдың маусымынан шілде айына дейін түсірілді.
Хикая бүгін, 11 қыркүйек күні сағат 18:30-да «НТК» телеарнасынан көрсетіледі.
пікірлер жоқ, бірінші болыңыз
Пікір қалдыру үшін