«Бейтаныстардың мейірімділігі» келесі жылы Берлин кинофестивалін ашады
Даттық режиссер әрі сценарист Лоне Шерфигтің («Олардың жұлдызды сағаты», «Бүлікшілер клубы») «Бейтаныстардың мейірімділігі» драмасы 2019 жылдың 7 ақпанында Берлин кинофестивалін ашады. Шерфиг Берлиналенің тұрақты қатысушысы болып табылады және сол жақта бірнеше рет беделді жүлделерге ие болған. 2001 жылы оның «Бастаушыларға арналған итальян тілі» таспасы Күміс аюға ие болды, фестивальде таныстырылған, басты рөлді Кэри Маллиган сомдаған «Сезімдердің тәрбиесі» картинасы «Оскардың» үш номинациясын иеленген.
«Лоне Шерфигтің оралғаны және жаңа жұмысының 2019 жылы Берлиналені ашатыны қандай жақсы болған. Ол кейіпкерлерін нақты жасайды, оларға мықты сезім мен астарлы әзіл сыйлайды. Бұл жоба фестивальдің тамаша бастамасы болмақ», - деді Берлин фестивалінің директоры Дитер Косслик.
«Бейтаныстардың мейірімділігі» таспасындағы оқиға Нью-Йоркте орыс мейрамханасында өрбиді. Зои Казан («Бастер Скраггс балладасы», «Махаббат – ауру») Клараның рөлін сомдайды, ол өзін ылғи кемсітіп, қорлайтын полицей күйеуімен тұрады. Сол үшін жас әйел арнайы реабилитациялық топқа барып жүреді, онымен медбике Элис (Андреа Райзборо, «Мэнди», «Сталиннің өлімі») айналысады. Мейрамхана осы жобадағы кейіпкерлердің өзіндік тағдыр жолына айналады.
.jpg)
пікірлер жоқ, бірінші болыңыз
Пікір қалдыру үшін