Нұрлан Батыров «Үркер» жүлдесін жеңіп алды
Жақында «Үркер» журналистік жүлдесінің жеңімпаздары анықталды. Желіде «Адуынды әйел» кейіпкері арқылы танылған Нұрлан Батыров «Үздік вайн» аталымында көзге түсті.
«Құттықтауларыңызға рахмет. Мұның қалай болғанын өзім де түсінбей қалдым, себебі біз @batyroff парақшасында кейінгі кездері белсенді болып жүрген жоқ едік. Бірақ, бар мәселе басқада екен. Қазылар алқасының қалай дауыс бергенін маған түсіндірген жоқ, дегенмен сезетін сияқтымын. Оның қалай болғанын кейінірек жазармын. Әзірге әлі де эйфорияда жүрмін», - деп жазды Нұрлан Батыров жеке Инстаграм парақшасына.
Қауырсынға ұқсайтын мүсінше жүлдені танымал вайнер Ақпарат және коммуникациялар министрі Дәурен Абаевтың қолынан алды.
Бүгінде Нұрлан Батыров өзін белсенді түрде кинода сынап жүр. Биылғы ақпанда «Көрініс» режиссерлік дебюті экранға шыққан болатын, ал жуырда ол «Адуынды әйелдің күнделігі» комедиясын таныстырады.
Айта кету керек, Батыров кинематографпен шектеліп қалмай, музыкалық продюсерлікке де бет бұрды. Оның алғашқы жобасы әнші Marg Egin болды.
1 пікір
Пікір қалдыру үшін
Мырзахмет
11 шілде 2018, 21:28Молодец