Нұртас Адамбай сценарийлер байқауын жариялады
Nurtas Production киностудиясы сценарийлер байқауын жариялады. Жеңімпаз Нұртас Адамбайдың тобында жұмыс істеу мүмкіндігіне ие болады, ал оның сценарийімен толықметражды фильм түсіріледі.
Байқау бірнеше кезеңнен тұрады. Бірінші кезеңде 20-шы сәуір мен 6-шы мамыр аралығында өтініштер қабылданады. Байқауға қатысу үшін фильмнің синопсисін жазу керек (кез келген жанрда) және оны А4 форматтағы қағазға сыйдыру қажет болады (қаріпі -TimesRoman 12). Сондай-ақ, өзі жайлы мәліметтерді қоса кету керек: ТАӘ, жасы, қаласы және байланыс номері. Жұмыстарды info.nurtaspro@gmail.com поштасына жіберу қажет.
Бірінші кезеңнің қорытындысы 2018 жылдың 7 мамырында белгілі болады.
Ұйымдастырушының хабарлауынша, байқауға Қазақстан және ТМД елдерінің кәмелетке толған азаматтары қатыса алады.
Айта кетейік, Nurtas Production киностудиясы 2014 жылы құрылған болатын. Осы жылдар ішінде киностудия 6 толықметражды фильм шығарды: «Сәбина келін», «Сәбина келін 2», «Ауылдан қашу: Махаббат операциясы», «Тараз» және «Мен - күйеу жігітпін!». Студия қазір «Құдалар» комедиясын түсірумен айналысуда.
1 пікір
Пікір қалдыру үшін
Мырзахмет
23 апреля 2018, 01:52Хорошая идея. Было бы круто.