Нұртас Адамбай – L’Officiel Awards 2017 нұсқасы бойынша жылдың үздік режиссері әрі кинопродюсері
Алматыда алғаш рет жыл сайынғы L’Officiel Awards 2017 жүлдесі өтті. Шараны L’Officiel және L’Officiel Hommes журналдары Lexus Kazakhstan компаниясымен бірігіп ұйымдастырды.
Жүлде лауреаттары 2017 жылдың 8-26 қыркүйек аралығында өткен ғаламтор арқылы дауыс беру нәтижесі бойынша анықталды. Жарты ай бойы қазақстандықтар 13 номинацияның үздіктерін таңдады. Сонымен, дауыс саны жағынан Ақан Сатаев, Асқар Бисембин, Нұрлан Қоянбаев пен Ален Ниязбековты басып озған Нұртас Адамбай «Жылдың үздік кинопродюсері әрі режиссері» атанды.
«Жылдың үздік актрисасы» жүлдесін Аружан Жазылбекова иеленді. Оған бәсекелес болған актрисалар: Айсұлу Әзімбаева, Әсел Сәдуақасова, Гүлназ Жоланова, Динара Бақтыбаева және Мәрйам Сатаева.
Суреттер Нұртас Адамбайдың жеке Instagram парақшасынан алынды
«Жылдың үздік актері» жүлдесіне Ерден Телемісов ие болды. Оның бәсекелестері қатарында Берік Айтжанов, Санжар Мәди, Жандос Айбасов, Әділ Ахметов және Тәуекел Мүсілім бар.
Қазақстандағы L’Officiel Awards жүлдесінің алғашқы иегерлерінің арасында қоғам қайраткері Аружан Саин, дизайнер Сәкен Жақсыбаев, «Қайрат» футбол клубы және «Рахат» отандық бренді бар. Ермек Тұрсыновтың «Өмірдің ұсақ-түйектері» қолжазбасы жылдың үздік кітабы атанды.
пікірлер жоқ, бірінші болыңыз
Пікір қалдыру үшін