Бүркіттің «Апан» фильмінің шығу күні белгіленді
30 қараша күні отандық айналымға Бүркіт лақап атымен танымал әнші Айбек Жансейітовтың «Апан» триллері жарыққа шығады. Алдыңғы жолдары фильмнің желтоқсанда шығатыны айтылған болатын.
«Апан» фильмі - қылмыстық триллер, кейіпкерлер бірігіп демалысқа шығады. Бірақ олар демалыстың өмір үшін күреске айналарын білмеген еді.
Аталмыш картина Бүркіттің кинодағы режиссерлік әрі продюсерлік дебюті болып табылады. Ол отандық нарықта онсыз да көп болып келетін комедиядан гөрі триллер секілді қиын жанрды алғанын айтқан.
Көрермендер кинотаспадан Жан Байжанбаев, Бауыржан Сатов, Айым Алтынбеков және Айлин Елеукенова сынды актерларды көре алады. Фильм актерлік құраммен ғана емес, жалпы картинамен таң қалдырмақ. Триллердегі оқиға Бурабай демалыс орнында болған.
Фильм сценарийін Бүркіт інісі Әли Жансейітпен бірге жазған. Ал музыкасын композитор Павел Ли шығарды («Барлығы еркектердің кесірінен»). Таспаның қоюшы-операторы - Әубәкір Сүлеев, екінші режиссері - Артём Гансев.
«Апан» фильмін «Отан фильм» компаниясы түсірді. Картина авторлары тұсаукесердің алдында көрермендерге тизер ұсынды.
пікірлер жоқ, бірінші болыңыз
Пікір қалдыру үшін