II Республикалық «Байқоңыр» қысқаметражды кинофестивалінің қатысушылары анықталды

• 25 Тамыз, 2017
• Мадина
• 1 781
• 0

II Республикалық «Байқоңыр» қысқаметражды кинофестивалінің дирекциясы қатысушылар тізімін жариялады. Байқау мен байқаудан тыс бағдарламаға қатысу үшін келіп түскен 140 фильмнің ішінен 38 жұмыс іріктелді. Байқауға қатысушыларды кинотанушы Ержан Жұмабеков пен киносыншы Кәрім Қадырбаев анықтады.

«Байқоңыр» фестивалінің байқау бағдарламасына 35 фильм, ал байқаудан тыс бағдарламаға - Бегалы Шибекеевтің «Ана» картинасы және Алдияр Байрақымовтың «Сұйық тас» таспасы қатысады. Анимациялық кино бөліміне 9 картина қатысса, деректі фильмдердің қатарында 7 таспа бар.

II Республикалық «Байқоңыр» қысқаметражды кинофестивалі «Көк-Төбе» демалыс орнында 15 қыркүйек күні басталады. Шараны Мейіржан Сандыбайдың «Ит» мультфильмі ашады.

Қазылар алқасының құрамына Қазақстан кинематографистер Одағының төрағасы Ахат Ибраев, кино мәдениетінің еңбек сіңірген қайраткері әрі продюсер Анар Қашағанова, режиссер Шарипа Оразбаева, сценарист әрі продюсер Эля Гильман, сыншы Ғалия Байжанова, актриса Гүлнар Дусматова енді. Тәжірибелі комиссияның тізімі әлі де толығады.

^{«Ана» қысқаметражды фильмнен көрініс}

Еске сала кетсек, «Байқоңырдың» ерекше мүсіншелері мен арнайы сыйлықтары келесі номинациялардың жеңімпаздарына табысталады: «Гран-при», «Үздік режиссер», «Үздік оператор», «Үздік қоюшы-суретші», «Үздік сценарий», «Үздік тәжірибелік фильм», «Үздік деректі фильм», «Үздік анимациялық фильм», «Үздік актриса», «Үздік актер» және «Қазылар алқасының арнайы жүлдесі».

II Республикалық «Байқоңыр» қысқаметражды кинофестивалінің байқау бағдарламасына қатысатын фильмдер

Байқаудан тыс бағдарламаға қатысатын фильмдер

• 25 Тамыз, 2017
• Мадина
• 1 781
• 0