I Халықаралық түркі кинофестивалі ашылмақ
21 наурыз күні I Халықаралық түркі кинофестивалінің ашылуы болады. Кинокөрсетілім Татарстан Республикасы, Қазанда өтеді. Фестиваль 25 наурызға дейін жалғасады.
Халықаралық түркі кинофестивалінің басты мақсаты – түркі тілдес елдердің кинематографиядағы жетістіктерін көрсету. Шарада қазақстандық, әзербайжандық, қырғызстандық, ресейлік және өзбекстандық кинематографшылардың жұмыстары көрсетіледі.
Фото: vlast.kz
Фестивальдің негізін былтырғы жылы құрылған Түркі әлемі кино қауымдастығы қалаған. Ұйым қазақстандық продюсер Қанат Төребай, Әзербайжаннан шыққан режиссер Оқтай Мір-Қасым, Қырғызстан продюсері Садық Шер-Нияз, Түркменстан режиссёрі Қожадүрді Нарлиев, Түркия режиссерлары Исмаил Гюнеш пен Федайи Озтюрк және Ресей кинопродюсері Миляуша Айтуғанова сынды танымал киноқайраткерлерді біріктірді.
I Халықаралық түркі кинофестивалінде Қазақстанның қандай фильмдерді таныстыратыны әзірге белгісіз.
Превью: inform.kz
пікірлер жоқ, бірінші болыңыз
Пікір қалдыру үшін